Ақмола облысында майлы дақылды үш есе көп екті

Биыл ақмолалық диқандар егіс науқанын солтүстік өңірлер арасында бірінші болып аяқтады. Барлығы 5 млн 600 мың гектар алқапқа дән себілді. Егістікті әртараптандыру мақсатында майлы дақылдардың көлемі артты. Соңғы үш жылда 6 есеге өсіп, 715 мың гектардан асқан.

Биыл аграрлық-кредиттік корпорациядан кредит алдық, пайызсыз «Кең дала - 2» деген. Сонда уақытында берді. Ертерек алып, шемішке тұқымын алдық, екі тұқым алдық. Бидайдан, арпадан тұқым алдық.

Бұл тұқым тазалайтын бірегей зауыт деуге болады. Мұнда бір мезгілде 6 мың тонна өнім сақтай аламыз. Еуропалық қондырғы толық автоматтандырылған. Фотосепаратор әр дәнді оның көлемі мен салмағына, тіпті түсіне қарай іріктейді. Бұл тұқымның сапасын жақсартуға мүмкіндік береді. Ал ол өз кезегінде өнімділікті де біршама арттырады.

Биыл көктемгі дала жұмыстарына мемлекет тарапынан 235 миллиард теңге бөлінді. Оның 75 млрд теңгесі қайтарымсыз субсидия. 34 млрд теңгеге жеңілдетілген пайызбен ауылшаруашылығы техникалары сатып алынды.

Қазіргі таңда тыңайтқыштарды ендіру кең көлемде қолға алынып жатыр. Жалпы, топырақтың құнарлығын арттыру үшін биыл 433 мың тонна минералды тыңайтқыштарды ендіруді жоспарлап отырмыз. Бұл өткен жылмен салыстырғанда 1,7 есеге минералды тыңайтқыштар көлемі артады.