«Астана» футболшылары ерекше балаларға шеберлік сабағын өткізді

Елордада «Астана» футбол клубының ойыншылары ерекше балаларға арнап шеберлік сабағын өткізді. Шараға «Сауап тобы» қайырымдылық қоры мен Қазақстан футбол федерациясы ұйытқы болды.

1 маусым – Халықаралық балаларды қорғау күні қарсаңында бүлдіршіндерге мерекелік көңіл-күй сыйлады. Игі іс биыл үшінші жыл қатарынан ұйымдастырылып отыр. Жиынға 20 ерекше бала қатысты.

Абзалбек Сұлтанбек, ұйымдастырушы:

Біз балаларға сыйлық таратып, «Астана» футбол клубының жұлдыздарынан қолхат алып, балалар болашақта қоғамның мүшесі ретінде жақсы бір мамандық иесі болып, өмір сүруге деген құлшынысы келіп, болашақта белсенді бір азамат болады деген ойда істеліп жатқан іс-шара.

Айтуар Төкен, «Астана» ФК ойыншысы:

Ең бастысы – тек қана жұмыс істеу, ешкімге қарамай. Әсіресе, көбінесе қазір басқалардың ойларын қарастырады, не айтқанын бәрін қарайды. Оған мүлдем былай айтқанда назар аудармау керек.