АҚШ Ислам Республикасының оңтүстігіне қайтадан соққы берді

АҚШ әскері Иранның оңтүстігінде теңізге мина қоятын қайықтар мен зымыран ұшыратын нысандарға соққы берді. Құрама Штаттар орталық қолбасшылығының мәлімдеуінше, бұл операция америкалық жауынгерлерді Ислам Республикасы армиясынан қорғау үшін жүргізілген. Оқиғадан кейін Азия биржаларында Brent маркалы мұнайдың бағасы 2 пайызға жуық қымбаттап, 97 доллар 56 центке жетті.

Айта кетсек, АҚШ күштерінің дүйсенбі күнгі шабуылы Вашингтон мен Тегеран өкілдері соғысты тоқтату үшін Қатар астанасы Дохада кездесіп жатқан кезінде жасалып отыр. Болжамдарға қарағанда, бұл келіссөздер бірнеше күнге созылуы мүмкін.