Астанада өтетін форумда маңызды құжаттар бекітіледі

Астанада өтетін Еуразиялық экономикалық одақ елдерінің форумында бірқатар маңызды құжаттар бекімек. Экономикалық интеграция, цифрландыру және технологиялық дамудың болашағы да назардан тыс қалмайды. Барлығы 30-ға жуық іс-шара жоспарланған. Жиынға халықаралық ұйымның 130-дан астам өкілі қатысады деп күтілуде. Моңғолия, Түрікменстан, Тәжікстан және басқа да елдерден 70-ке жуық делегат келеді. «Қазақстан одақ органдарына төрағалығын сәтті жүзеге асыруда» дейді шетелдік сарапшылар.

Биыл Қазақстан Еуразиялық экономикалық одақ органдарына төрағалық етуде. Басым бағыттар қатарында транзиттік тасымалдарды жеңілдету, жүк қозғалысына электронды бақылау жүйесін енгізу бар. Ұйымның әлеуеті үлкен. Қазақстан цифрландыру, жасанды интеллект, логистика, өнеркәсіп, ауыл шаруашылығы салаларына басымдық берді. Сондықтан бұл форум ұйымның тиімділігін арттырып, бар кедергілер жойылады деп ойлаймын. Сондай-ақ кооперациялық жобаларды дамытуға айрықша көңіл бөлінбек.