Екібастұз қаласында әуежай салынады

Мемлекет басшысы Павлодар облысының әкімі Асайын Байхановты қабылдады. Президентке өңірдің әлеуметтік-экономикалық дамуы жайында мәлімет берілді. Қасым-Жомарт Тоқаев Екібастұз қаласының әуе қатынасын дамытуға ерекше назар аударып, облыс әкіміне шаһарда жаңа әуежай ашу мәселесін жан-жақты пысықтауды тапсырды. Мемлекет басшысы инвестиция тарту, әлеуметтік инфрақұрылымды дамыту және инженерлік-коммуналдық кешенді жаңғырту жұмыстарын жалғастыру жөнінде міндет жүктеді.

Асайын Байханов, Павлодар облысының әкімі:

30 мыңнан астам жаңа жұмыс орны құрылды. 7 мектеп, сондай-ақ 30 денсаулық сақтау нысаны бой көтерді. Былтыр ауылдардың барлығы таза ауыз суға қол жеткізгенін мәлімдеді. Өңірдің үш қаласындағы қоғамдық көлік паркі толық жаңартылды.