Маңғыстау облысында ерекше демалыс орны ашылды

Маңғыстау облысының Сенек ауылының тұрғыны құмды алқапты тиімді пайдаланып, квадроциклмен серуендеу қызметін қолға алған. Кәсіпті бастауға мемлекет тарапынан қолдау көрсетілген. Бүгінде отбасылық бизнес өңір тұрғындарының қызығушылығын арттырып, келушілер саны күн санап көбейіп келеді.

Алматы қаласынан көрдік осындай квадроциклді. Жолдасым сосын ауылдағы біздегі құмды пайдаға асырып, осындай кәсіппен неге айналыспасқа деген ой келіп, сол жолдасымның ойын бәріміз қолдап, отбасылық осындай кәсіп бастадық. Жалпы бұл кәсіп ауылға керек кәсіп, керек екен.

Ауылдың іргесінде құмда осылай квадроциклмен серуендеу өте керемет сезім екен. Бұл кәсіптің ашылғанына көп бола қойған жоқ соның өзіңде танымал. Келушілер көп.

Көп балалы ана Айжан Нысанбаева кәсіпті бастау үшін, мемлекеттен қайтарымсыз гран алған. Алғашқы квадроциклді де сол қаражатқа сатып алған. Бүгінде жол талғамайтын 6 техникасы бар. Кәсіпті жүргізуге отбасы мүшелері түгел атсалысады.

Енді бұл сезім деген айтып жеткізе алмаймын. Өте керемет әсерлі сәт. Ауылымызда квадроцикл ашылғанына өте қатты қуаныштымын, бұған енді достарыммен өзім келіп тұрамын.

Сенек ауылы жалпы бір жағы тау, бір жағы құм, табиғаты ерекше ауыл. Осы құмды пайдаланып, кәсіпкерлік ашып жатқан ауыл кәсіпкерлеріне рахмет айтамын. Келушілердің саны артқан сайын біз ауылдық жер болғаннан кейін бізде шұбат, құрт-балқаймақ, қол өнер дамыған ауыл, оларға да сұраныстар көбеюде.