Шымкентте құмар ойын ұйымдастырған қылмыстық топ ұсталды
Шымкентте мобильді қосымша арқылы заңсыз ойын бизнесін ұйымдастырған қылмыстық топтың қызметі тоқтатылды.
Жасырын интернет-казино тәулік бойы жұмыс істеп, Қазақстанмен қатар көрші
елдердің ойыншыларын да тартқан. Тергеу мәліметінше, жергілікті тұрғын покер
ойындары өткізілетін онлайн-платформаның жұмысын үйлестіріп отырған.
Қатысушыларды көбейту үшін мессенджерлерде жарнама таратылып, түрлі бонус
жүйелері ұсынылған. Ойыншылар банк аударымдары арқылы шоттарын толықтырып,
виртуалды фишкалармен ойынға қатысқан. Ал ұйымдастырушылар табысты әр ойыннан
алынатын 3-5
пайыз комиссия есебінен тапқан. Қаржы ағындарын жасыру үшін «дропперлердің»,
соның ішінде шетел азаматтарының шоттары пайдаланылып, әр шот үшін 100–200 мың теңге
көлемінде сыйақы төленіп отырған.
Ернар Тайжан, ҚМА ресми өкілі:
Жалпы ақша айналымы 557 млн теңгеден асқан. Тінту барысында ұйымдастырушының тұрғылықты жерінен есірткі заты табылып, тәркіленді. Қазіргі уақытта екі күдіктіге қатысты үйқамақ түріндегі бұлтартпау шарасы қолданылған. Қылмыстық іс сотқа жолданды. Айта кету керек, құмар ойындарға қатысушылар кей жағдайларда 30 млн теңгеге дейін елеулі қаржылық шығынға ұшыраған.
Автор
Ернұр Уәлихан
Сондай-ақ оқыңыз
Барлығы
Түркістан облысында жас шахматшылардың турнирі өтті
27.04.2026, 13:20
Астанадағы индустриялық парк аумағына мың көшет екті
27.04.2026, 13:15
Экологиялық акция өткізу туралы меморандумға қол қойылды
27.04.2026, 13:12
Қостанай облысының ауылдарында дәрігер тапшы
27.04.2026, 13:09
Буллингке қарсы жаңа жедел жүйе іске қосылды
27.04.2026, 13:06
Алаяқтардың жаңа айласы анықталды
27.04.2026, 13:00
Астанада «Run for Autism» қайырымдылық жарысы өтті
27.04.2026, 10:19
Ең ұзын тирамису Гиннестің рекордтар кітабына енді
27.04.2026, 10:17