Алматыда парламентаралық шахмат кубогі өтіп жатыр

Бүгін Алматыда ТМД-ға мүше мемлекеттердің арасында Парламентаралық ассамблеяның шахматтан ашық кубогі өтіп жатыр. Қатысушылар шахмат пен саясаттың ұқсас ұғым екенін айтады. Саясатта да шахмат тақтасындағыдай әр қадамды ойланып, стратегиялық шешімдерді таразыға сала білуі қажет дейді. Қазір жарыс қатысушылары арасында тартысты бәсеке жүріп жатыр. Шахмат додасы Швейцария жүйесі бойынша өтеді, бас-аяғы 9 кезеңнен тұрады. Ал қатысушы саны – 48. Мұндай алғашқы ашық халықаралық жарыс Қазақстан Парламентінің 30 жылдығына орай ұйымдастырылған.

Шахмат, әрине бізді біріктіруге мүмкіндік береді. Көптеген азаматымыз үшін де, біз, саясаткерлер, үшін де ортақ стратегиялық шешімдер қабылдауға ықпал етеді. Сондықтан саясаткерлер арасында осы спорт түрі арқылы шахмат тақтасында туындайтын ең үздік шешімдердің қандай болатынын бүгін көрсетуіміз өте символикалық мәнге ие.