Халықаралық экономикалық ынтымақ нығаяды

Бүгін сенаторлар елдің әлеуметтік-экономикалық дамуына ықпал ететін бірқатар заңды мақұлдады. Алматы қаласында Кавказ, Орталық Азия және Моңғолия елдеріне арналған өңірлік әлеуетті дамыту орталығын құру көзделіп отыр. Аталған ұйым макроэкономикалық талдау, ақша-кредит және бюджет саясаты, қаржылық реттеу мен статистика салаларында мемлекеттік қызметкерлердің біліктілігін арттыруға мүмкіндік береді. Жаңа құрылым Қазақстанмен қатар Армения, Әзербайжан, Грузия, Қырғызстан, Моңғолия, Тәжікстан, Түрікменстан және Өзбекстанды қамтып, өңірлік ынтымақтастықты тереңдетуге бағытталған жобаларды іске асыруға қолдау көрсетпек.

Мәулен Әшімбаев, Сенат төрағасы:

Қаралған құжат Алматы қаласында халықаралық валюта қорының өңірлік орталығын құруды көздейді. Сондай-ақ беделді халықаралық ұйым бөлімшесінің қызметін де жан-жақты реттейді. Аталған құрылым өңірде эконрмиканы және мемлекеттік басқару саласын нығайтуға арналған жобаларды іске асыруға қолдау көрсететін болады. Жалпы, бұл заң еліміздің өңірдегі жетекші қаржы және іскерлік орталық ретінде қалыптасуына өз септігін тигізеді деп сенеміз.