Президент ЕҚҰУ Бас хатшысын қабылдады

Президент Еуропадағы қауіпсіздік және ынтымақтастық ұйымының Бас хатшысы Феридун Синирлиоғлыны қабылдады. Мемлекет басшысы Өңірлік экологиялық саммиттің жұмысына белсене қатысқаны үшін ризашылығын білдіріп, бұл платформа Орталық Азия мен көрші аймақтарға ортақ экологиялық мәселелерді шешу жолын бірлесіп іздеуді көздейтінін айтты. Президент еліміз халықаралық ұйыммен ынтымақтастықты нығайтуға бейіл екенін растады. Феридун Синирлиоғлы еліміздің Ұйым жұмысына ерекше үлес қосып отырғанын жеткізді.