Қазақстан студенттерінің Францияда еркін білім алуы үшін тағы бір мүмкіндікке жол ашылды

Қазақстан студенттерінің Францияда еркін білім алуы үшін тағы бір мүмкіндікке жол ашылды. Осылайша Мемлекет басшысының елімізде шетелдік беделді университеттердің филиалдарын ашу тапсырмасы аясында стратегиялық әріптестік күшейіп келеді. Осы ретте студенттер үшін қос дипломды білім беру бағдарламасы іске қосылып, ғылыми бірлестік артып отыр. Алматыда өткен кездесу нәтижесінде тараптар ынтымақтастықты жүйелі түрде дамытуға бағытталған келісімге қол қойды. Сарапшылар бұл қадам еліміздің жоғары білім беру сапасын арттырып, оны жаһандық білім кеңістігіне жақындатады дейді.

Биыл Лотарингия университеті базасында академиялық ұтқырлық бағдарламасы бойынша ең үздік 20 студентке білім алу мүмкіндігі қарастырылып отыр. Іріктеу үдерісі конкурстық негізде жүзеге асырылады. Сондай-ақ университеттегі оқу нәтижелері мен сессия қорытындылары бойынша жоғары академиялық көрсеткіштер ескеріледі.