Президент атом саласын дамытудың 2050 жылға дейінгі стратегиясын бекітті

Президент Жарлығымен елімізде атом саласын дамытудың 2050 жылға дейінгі стратегиясы бекітілді. Бұл құжат негізгі 8 бағыттан тұрады. Стратегия энергетикалық қауіпсіздікті, экономикалық өсуді және Қазақстанның жаһандық ядролық саладағы ұстанымын нығайтуды көздейді. Ұзақ мерзімді бағдарлама аясында 2050 жылға қарай кемінде үш атом электр станциясы жұмыс істейді. Атом энергиясы жөніндегі агенттіктің мәліметінше, қазір елде бірінші АЭС-тің жобасын іске асыру басталды. Екінші станцияның құрылысы қарастылып жатыр. Ал үшінші АЭС үшін перспективалық бағыт ретінде шағын модульдік реакторлар технологияларын қолдану мүмкіндігі зерттеліп жатыр.