Зейнетақы ақшасымен ипотеканы төлеу ережесі өзгерді

Ертеңнен бастап елімізде зейнетақы қорындағы артық ақшамен ипотеканы төлеу ережесі өзгереді. Енді тұрғындар бұл қаражатпен қарыздың негізгі сомасын ғана өтей алады. Бұған дейін ай сайынғы ипотека төлемін жабуға мүмкіндік болған еді. «Қарыз» деген сөздің орнына «негізгі қарыз» деген термин қолданылады. Банк пайызы мен басқа да төлемдері қарыз алушы бұдан былай өз қалтасынан төлейді. Төлемді растау үшін «enpf-otbasy.kz» платформасына берешектің нақты қалдығы жазылған жаңа үлгідегі анықтама жүктелуі тиіс. Бұл талап екінші деңгейлі банктердегі ипотекалық несиелердің барлығына бірдей қолданылады.