Басты Жаңалықтар Түркістанның жасыл белдеуіне 2 мыңнан астам көшет егілді

Түркістанның жасыл белдеуіне 2 мыңнан астам көшет егілді

16.04.2026 10:19

Түркістанда табиғат жанашырлары қаланың кіреберісіне 1200 түп қырым қарағайы мен 1000 түп жапырақты ағаш отырғызды. Осылайша шаһардың жасыл белдеуіне бір күнде 2 мыңнан аса көшет егілді. Экологиялық акцияға мемлекеттік қызметшілер, қала тұрғындары мен жастар бір кісідей қатысты. Биыл өңірде «Таза Қазақстан» бағдарламасы аясында 1 миллион түп ағаш егу жоспарланған.

Нариман Мархабаев, Түркістан облыстық Жастар ресурстық орталығының бөлім басшысы:

Жалпы, бұл іс-шараның мақсаты – жастар арасында экологиялық мәдениетті қалыптастыру, сонымен қатар таза ортаға, қоршаған ортамызға жанашырлықпен қарауға баулу. Алдағы уақытта да Түркістан облысына қарасты 17 қала-ауданда осы «Таза Қазақстан» экологиялық акциясы белсенді түрде ұйымдастырылып, оған жастарды мейлінше көптеп қатыстыру біздің жоспарымызда бар.

Бөлісу