Шымкентте тарифті негізсіз көтергендер жазаланды

Шымкенттегі индустриялық аймақта коммуналдық тарифтерді негізсіз көтерген. Соның салдарынан кәсіпкерлер су мен кәріз қызметіне қымбат төлеп келген. Прокурорлық тексерістен кейін тарифтер қайта қаралып, 43 пайызға дейін төмендетілді. Енді су үшін кәсіпорындар 190 емес, 149 теңге төлейді. Ал ағынды су бағасы 131 теңгеден 74 теңгеге түсті. Бағаны негізсіз көтергендер тәртіптік жауапкершілікке тартылды.

Дінислам Әлжан, қала прокурорының көмекшісі:

Ордабасы индустриялық аймақ ЖШС тарату желілері арқылы су беру және сарқынды су бұру бойынша қызметтер бағасы ұлғайғаны анықталды. Прокурорлық қадағалау актісінің нәтижесінде 96 қатысушының құқығы қорғалып, олар өндіретін өнімнің өзіндік құнын төмендетуге мүмкіндік берді.