«Ұлттық мектеп лигасы»: Оқушылар спорттың 8 түрінен сайысуда

«Ұлттық мектеп лигасы» аясында оқушылар арасында республикалық олимпиадалық турнир басталды. «Келешек мектептері» жобасы аясында салынған елордадағы білім ошағының бірінде жарысқа 200-дей оқушы қатысты. Олар спорттың 8 түрінен, оның ішінде шахмат, дойбы, тоғызқұмалақ ойындарынан бақ сынады. Оқушылар үстел ойындарын сабақ арасындағы үзіліс кезінде де ойнайды. Бұдан бөлек, турнир аясында жоғары сынып оқушылары арасында волейболдан республикалық жарыстың финалдық кезеңі өтті. Ұйымдастырушылар осы арқылы жас таланттарды анықтап, балалардың спортқа деген қызығушылығын арттырамыз дейді. Жарыс бір апта бойы өтеді.

Мен бір рет ойнадым, бір рет жеңдім. Шахматты менің анам үйретті. Сосын мен шахматқа барғанмын.