Түркияда оқушы 16 адамды атқан

Түркияның Шанлыурфа қаласындағы мектепте болған атыстан 16 адам жараланды. Зардап шеккендер қатарында 10 студент, 4 мұғалім, бір полиция және асхана қызметкері бар. Оларға мылтықтан оқ атқан жасөспірім өз-өзіне қол жұмсады. Марқұм бұрын осы мектепте оқып, кейін басқа оқу орнына ауыстырылғаны белгілі болды. Күдікті алдымен мектеп ауласында оқ атып, кейін шабуылды ғимараттың ішіне кіріп жалғастырған. Оның бұл қылмысқа не себепті барғаны әзірге белгісіз. Түркияның ішкі істер министрлігі оқиға жан-жақты тергеліп жатқанын хабарлап, оның нәтижесін жария етуге уәде берді.