Солтүстік Қазақстанда өрт қауіпсіздігін дрондар бақылайды

Солтүстік Қазақстанда өрттің алдын алу шаралары күшейтілді. Қауіпті кезең басталғалы мамандар орманды алқаптарға жүйелі түрде әуеден бақылау жасайды. Дрондардың көмегімен төтенше жағдай қызметі от шығу қаупі бар аумақтарды ерте анықтай алады. Бейнежазбалар мен деректер нақты уақыт режимінде орталыққа жіберіліп, жедел шешім қабылдауға мүмкіндік береді. Мамандардың айтуынша, бұл тәсіл бақылау тиімділігін арттырып қана қоймай, түрлі қызметтердің үйлесімді әрекет етуіне ықпал етеді.