Қонаевтағы туристік нысандардың жазғы маусымға дайындығы тексерілді

Премьер-Министрдің орынбасары – Мәдениет және ақпарат министрі Аида Балаева Алматы облысындағы туристік нысандардың жазғы маусымға дайындығын тексерді. Вице-премьер жұмыс сапары аясында Қонаев қаласындағы коммуналдық жағажайлар мен «ASP Arena» көпфункционалды кешенін аралады. Жауапты сала мамандары санитарлық жағдай, қауіпсіздік шаралары, медицина, құтқару және құқық қорғау бағытындағы дайындық туралы баяндады. Аида Балаева нысандар маусымға толық дайын болуы тиіс екенін атап өтіп, судағы қауіпсіздік, тағам сапасы, қоғамдық тәртіп және түсіндіру жұмыстарының маңызына тоқталды. Сондай-ақ жеке меншік демалыс орындарының иелеріне тазалықты сақтау, инфрақұрылымды талапқа сай ұстау және келушілердің қауіпсіздігін қамтамасыз ету міндеті жүктелді. Туризм және спорт министрлігіне туристік нысандардың жауапкершілігін нақтылайтын құқықтық тетіктерді жетілдіру тапсырылды. Бұдан бөлек, қоғамдық тамақтану орындарының заңды қызметі, еңбек қатынастарының сақталуы және қызметкерлер құқығы бақылауда болуы мәселесі де сөз болды.  Сонымен қатар көлік қозғалысын ұйымдастыру, автотұрақ жеткіліктілігі және қоғамдық тәртіпті сақтау мәселелері де назарға алынды. Жиын қорытындысында санитарлық тазалықты күшейту, қауіпсіздік қызметтерінің дайындығын арттыру және туристік нысандарға жүйелі бақылау орнату тапсырылды.