Суық қарудың заңсыз айналымына қарсы күрес күшейтілді

Маркетплейстердің бірі суық қару жарнамасын орналастырғаны үшін әкімшілік жауапкершілікке тартылды. Бұл туралы Бас прокуратура хабарлады. Қазір суық қарудың, оның ішінде кастеттердің заңсыз айналымына қарсы күрес күшейтілді. Тексеріс кезінде бірнеше күдікті ұсталған. Олар тыйым салынған заттарды интернет-дүкендер арқылы сатып алған. Мұндай жарнаманы орналастырған интернет-алаңдар үшін әкімшілік жаза қарастырылған, сондай-ақ тыйым салынған контентті бұғаттау шаралары қабылданады.  Бас прокуратура азаматтарға суық қаруды өз еркімен тапсырғандар қылмыстық жауапкершіліктен босатылатынын еске салды.