Елімізде үш ғасырға жетер көмір қоры бар

Еліміздегі көмір қоры 33 миллиард тоннадан асады, ол 300 жылдан астам уақытқа жетеді. Бұл Үкіметте өткен жиында белгілі болды. Былтыр көмір өндіру көлемі 115,9 млн тоннаны құраған. Оның 85,9 млн тоннасы ішкі нарыққа, қалғаны экспортқа кеткен. Ал өткен жылы осы салаға салынға инвестиция көлемі 305 млрд теңге болса, биыл оны 553 млрд теңгеге жеткізу межесі тұр. Энергетика министрі Ерлан Ақкенженовтің сөзінше, бүгінде 40 жер қойнауын пайдаланушы 41 келісімшарт бойынша жұмыс істейді.