Еуроодақ энергетикалық дағдарысқа қарсы ауқымды шара қолданбақ

Еуроодақ елдері 2022 жылғы энергетикалық дағдарыс кезінде қабылданған шараларды қайта іске қосу мәселесін қарастырып жатыр. Бұл Ирандағы соғыстан зардап шеккен энергетика нарығындағы жағдайды жеңілдету үшін қажет. Оның аясында электр қуатына тариф пен салықты азайту көзделген. 4 жыл бұрын Украинадағы соғыстан газ тасымалы көлемі азайғанда Еуроодақ осыған ұқсас қадамға барған еді. АҚШ пен Израильдің Иранға қарсы соғысы басталғалы Еуропада газ бағасы 70 пайызға өскен.