Дәрігерлеріміз Ыстанбұлда біліктіліктерін арттырды

Қазақстан дәрігерлері Түркияда біліктіліктерін арттырды. Абай облысынан барған ақ халатты жандар Ыстанбұлдағы Анадолы медициналық орталығында болып, заманауи емдеу тәсілдерін меңгеріп келді. Мамандар бір апта бойы науқас қабылдап, шетелдік дәрігерлермен тәжірибе алмасты. Сондай-ақ медицинаның озық әдістерімен танысты. Сапар соңында ел дәрігерлеріне арнайы сертификат табысталды. Олар шетелдік медицина орталығында жиған тәжірибесін өз өңірінде енгізуге ниетті. Бұл аймақ медицинасының сапасын арттырып, науқастарға көрсетілетін қызметті жетілдіруге көмектеседі, дейді дәрігерлер.

Ернар Тоқтаров, травматолог:

Біз үшін бұл тәжірибе, үлкен сабақ деп түсінемін. Ол жердегі тәжірибе алмасқанымыз бізге науқастың ауруханаға кіргеннен бастап, жазылып, сауығып, шығуына дейін, яғни қандай жағдай жасау керек оның бәрін көріп, біліп, таныстық. Бұл яғни біздің медицина тілімен айтқанда, мультидисциплинарлы көзқарас.