ТМД елдеріндегі ең ірі жел станциясы салынбақ

Павлодарда ТМД елдеріндегі ең ірі жел электр станциясының құрылысы басталды. Бұл Қазақстан мен Қытай мемлекеті бірігіп іске асыратын жоба. Құрылысқа шамамен 1,2 млрд АҚШ доллары салынбақ. Бір мыңнан астам адам жұмысқа тартылады. Инвестор алдағы 25 жыл бойы өңірдің әлеуметтік инфрақұрылымын дамытуға  қаржы бөліп отыруға міндеттеледі. Кәсіпорын 2029 жылы іске қосылады.

Асайын Байханов, Павлодар облысының әкімі:

Жалпы бұл жобаның маңыздылығы өте зор. Себебі бұл жасыл энергия көзінің бірі, біздің облысымызда және мемлекетімізде дәл осындай ірі жоба іске асырылған жоқ, жел энергиясының.

Себебі бұл электр станциясының жылдық қуаттылығы 1 ГВт. Одан бөлек 300 МВт электр қуатын жинақтау жүйесімен жабдықталады. Жобаны іске асыруға «Самұрық-Энерго» компаниясы жауапты.

Қайрат Мақсұтов, «Самұрық-Энерго» АҚ басқарма төрағасы:

Жоба аясында экологиялық таза энергияны генерациялаумен қатар қуат көзін сақтайтын жүйе салу қарастырылған. Бұл энергетикалық қауіпсіздік тұрғысынан өте маңызды шешім. Электр станциясы жылына 3,6 млрд киловатт сағат қуат өндіреді.