Ертіс өзенінде майлы дақтар пайда болған

Павлодар өңірінде Ертіс өзенінің суында майлы дақтар пайда болған.

Бұл жазба әлеуметтік желіде пайда болысымен жергілікті экологтар жылы ағыстағы өзен суын тексереуді бастады. Мәліметке қарағанда лай судың қосылуы немесе тұрмыстық қалдықтар әсерінен бұндай өзгеріс болуы мүмкін емес. Ал өзен суының дәл осы аумақтарда қатпауына Ақсу МАЭС нен жабдықтарды салқындату үшін пайдаланылатын ыстық судың құйылуы себеп. Су құрамының зертханалық нәтижелері алдағы бес күн ішінде белгілі болады.

Әсет Сыздықов, Павлодар облысы бойынша экология департаменті басшысының орынбасары:

Ақсудағы жылу электр стансасы суды бір жүйе бойынша қабылдап еш қосындысыз, ол технологиялық тұрғыдан мүлдем мүмкін емес, агрегаттарды суытып алып сыртқа шығарады. Бірақ біз түгелдей тексереміз. Сынама мұнай өнімдерінің көрсеткіші бойынша жасалады. Себебі су бетіндегі дақтар майдан пайда болды деген күдік тудырып тұр.