Жетісу облысында балықшы мен құтқарушы қаза тапты

Жетісу облысындағы Алтынкөл көлінде құтқару операциясы кезінде төтенше жағдайлар қызметкері қаза тапты. №11 өрт сөндіру бөлімінің қарауыл бастығы Дамир Таранов мұз жарылып, суға батқан балықшыға көмек қолын созуға асыққан.

Алайда құтқару кезінде мұз қайта опырылып, балықшы мен құтқарушы жан тапсырды. Өңірлік төтенше жағдайлар департаментінің мәліметінше, оқиға 7 наурыз күні болған. Дамир Таранов 31 жаста еді. Азаматтық қорғау жүйесіндегі қызметін 2012 жылы бастап, Панфилов ауданы мен Қапшағай қаласының өрт бөлімдерінде еңбек етті. Соңғы жылдары Панфилов ауданындағы №11 бөлімде қызмет атқарған.