Астанада әуе рейстері кешігіп жатыр

Елорда әуежайында 20 рейс кейінге шегерілді. Бұған қолайсыз ауа райы мен әуе компанияларының операциялық қызметі себеп. Әуежай мәліметінше, Алматы, Қостанай, Шымкент, Өскемен, Орал, Қызылорда, Бішкек және Омбы бағыттарына ұшуы тиіс 11 рейстің уақыты өзгерген. Сонымен қатар Шымкент, Петропавл, Семей, Алматы және Омбы бағытындағы тағы 9 ұшақ кешігіп ұшады. Бұдан бөлек, ауа райының нашарлауына байланысты 11 рейс толық тоқтатылды. Жолаушыларға ұшып-қонудың нақты уақытын авиа компаниялардың немесе әуежайдың ресми сайтынан бақылап отыруға кеңес берілді.