Еліміздің бірқатар өңірінде ауа райы күрт суытады

Бүгін еліміздің бірқатар өңірінде күн райы күрт суытады. Айталық, Астанада қар, боран, тұман. Желдің күшейюіне байланысты екінші ауысымдағы 0-6-сынып оқушылары қашықтан оқиды. Ақмола және Солтүстік  облыстарында да боран, кей жерлерде -30°С дейін ауа температурасы төмендейді. Жетісу, Алматы облыстарында жаңбыр мен қар, күндіз кей жерлерде желдің екпіні секундына 30 метрге дейін жетеді. Еліміздің оңтүстік өңірлері Түркістан, Жамбыл облыстарында қатты жауын-шашын, таулы аймақтарда бұрқасын, тұман болады деген болжам бар. Қызылорда, Атырау, Маңғыстау аймағында боран, көктайғақ, түнгі температура кей жерлерде -23°С дейін төмендейді. Қарағанды, Павлодар, Солтүстік Қазақстан, Ақтөбе, Ұлытауда қар, боран, желдің екпіні  секундына 15 - 28 метр болады.