Атыраудағы жоғалған отбасы: Тағы екі адамның мәйіті табылды

Атырау облысы Қызылқоға ауданы Жангелдин ауылында жоғалған отбасының тағы екі мүшесінің мәйіті табылды. Ақжайық басылымының мәліметінше, бүтін бір отбасыны өлтірді деп күдіккке ілінген сол әулеттің күйеу баласы мен үлкен қызы кеше елге жеткізілген. Бірақ құқық қорғау орындары бұл туралы нақты ақпарат таратпады. Еске салсақ олар ақпан айының соңында Индонезияның Ломбок аралындағы Сенару ауылында ұсталған еді.

Алматы қаласында тергеу кезінде күдікті Сұлтан Сәрсемалиев тағы екі адамды өлтіргенін мойындап, денелерін бұрын жалдап тұрған үйінің ауласына көмгенін айтқан. Полицейлер кері іздеу жүргізіп, Наурыз бен Мейрамгүлдің мәйіттерін анықтады.