Щучинскте дәмханадағы жарылыстан қайтыс болғандардың саны 11-ге жетті

Щучинсктегі дәмханада болған жарылыстан зардап шеккен тағы екі науқас көз жұмды. Қайтыс болғандардың саны 11-ге жетті.

Екеуі де жансақтау бөлімінде аса ауыр халде жатқан. Бірі Щучинсктегі аудандық ауруханада 8 наурыз күні көз жұмса, екіншісі облыстық ауруханада кеше қайтыс болды. Қазір Щучинскте бір адам, үш науқас Көкшетауда, ал бесеуі Астанадағы ұлттық шұғыл медицинаны үйлестіру орталығында ем алып жатыр.

Жалпы дәмханадағы жарылыстан барлығы 28 адам зардап шекті. Қылмыстық іс қозғалып, дәмхананың иесі екі айға қамауға алынды.