Дәмханадағы жарылыс: Газ баллондарын дұрыс пайдаланбаған

Ақмола облысының Щучинск қаласында 9 адамның өмірін қиған дәмханадағы жойқын жарылыс газ баллондарын дұрыс пайдаланбағанның кесірінен болған.

Бұл туралы Көкшетауда Үкімет басшысы Олжас Бектеновтың қатысуымен өткен республикалық штаб отырысында Төтенше жағдайлар министрі Шыңғыс Әрінов мәлімдеді. Сондай-ақ бүгін мамандандырылған тергеу соты дәмхана иесін екі айға қамауға алу туралы шешім шығарды. Естеріңізге сала кетейік, дәмханадағы жарылыстан барлығы 28 адам зардап шекті, 9 адам қайтыс болды.

Шыңғыс Әрінов, Төтенше жағдайлар министрі:

Қылмыстық іс қозғалып, алдын ала себебі анықталды. Тұрмыстық газ баллонын пайдаланудың талаптарының бұзылуы.