Алматы облысында стоматологиялық клиника медициналық сақтандыру қорынан 66 млн теңге жымқырған

Алматы облысында жеке стоматологиялық клиника медициналық сақтандыру қорынан заңсыз жолмен қомақты қаражат алған. Қаржылық мониторинг агенттігінің мәліметінше, алдымен клиника мен қор өзара 450 миллион теңгеге шарт жасасқан. Сосын бұрын емханаға келіп кеткен науқастардың жазбаларын пайдаланып, 4 жарым мыңнан астам медициналық қызмет көрсеткені туралы жалған есеп берген. Осылайша, мемлекетке 66 миллион теңге көлемінде шығын келді.  Күдікті 11 миллион теңгені қайтарды. Тергеу аяқталғанша стомотология директорына өз үйінің аумағынан шығуға тыйым салынды.

Күдікті медициналық ақпарат «Дамумед» жүйесіне ортодонтиялық қызметтер көрсетілгені туралы жалған мәлеметтер енгізуді ұйымдастырған. Нақтысында аталған әрекеттер науқастарға көрсетілмеген. Заңсыз әрекеттерге заңдылық сипат беру мақсатында күдікті кликанаға бұрын жүгінген пациенттердің жеке деректерін рұқсатсыз пайдаланған.