Иранда шабуылдан мыңнан аса бейбіт тұрғын қаза тапты

Иранда 28 ақпаннан бері АҚШ пен Израильдің әуе шабуылдарынан мыңнан аса бейбіт тұрғын қаза тапты. Олардың 181-і - жасы 10-ға толмаған балалар. 5400-ден астам адам жараланған. Бұл ақпаратты Американың Адам құқықтарын қорғаушыларының жаңалықтар агенттігі жариялады. Әуе шабуылдары әлі жалғасып жатыр. АҚШ әскерилері Иранда екі мыңдай нысанға соққы бергенін мәлімдеп отыр. Ал Дубайдағы АҚШ консулдығы маңындағы көлік тұрағына дрон құлады. Нью-Йорк Таймс газетінің хабарлауынша, марқұм Аятолла Әли Хаменейдің ұлы Иранның жоғары лидері лауазымына басты кандидат атанған. Моджтаб Хаменейдің кандидатурасын Иранның Ислам революциясы сақшылары корпусы қолдап отыр.