АҚШ пен Израиль Ислам республикасына соққы беріп жатыр
Қазір Таяу Шығыстағы жағдай қиын. Бүгін АҚШ пен Израиль Иранға соққы беруге кірісті. Жергілікті ақпарат құралдарының хабарлауынша, Ислам Республикасының астанасы Тегеранмен бірге Исфахан, Құм, Керманшах, Табриз, Шираз қалалары да шабуылға ұшыраған.
Елдің оңтүстігіндегі қыздар мектебінде 50-ден аса адамның қаза тапқаны мәлім болып отыр. Иран ұлттық қауіпсіздік кеңесі ірі шаһарлардың тұрғындарын қауіпсіз жерге көшуге шақырды.
Шабуылға жауап ретінде Иран Израильмен қатар Құрама Штаттардың әскери базалары орналасқан Қатарға, Бахрейнге, Біріккен Араб Әмірліктеріне, баллистикалық зымырандар жіберді. Жарылыс жаңғырығы Кувейтте де естілді.
Иранға қарсы операцияның басталғанын АҚШ президенті де, Израиль үкіметі де растап отыр. Екі жақ бұған дейін Тегераннан ядролық бағдарламасын доғаруды талап еткені белгілі. Иран болса, өзінің атом өнеркәсібінің бейбіт мақсатты көздейтінін мәлімдеген болатын.
Автор
Арыстан Рысбек
Сондай-ақ оқыңыз
Барлығы
Вашингтонда бүгін Израиль-Ливан келіссөзі өтеді
14.04.2026, 20:15
Вашингтон мен Тегеран келіссөздердің екінші раундын өткізу мәселесін талқылап жатыр
14.04.2026, 20:12
Ертеңнен бастап мобильді аударымдар тексеріледі
14.04.2026, 20:10
Елімізде өңдеу өнеркәсібінің көлемі 8,5 пайызға өсті
14.04.2026, 20:07
Ажырасуға өтінім берген 400-ге жуық ерлі-зайыпты татуласты
14.04.2026, 20:05
«Қазақстан халқына» қоры: 134 қайырымдылық жоба бекітілді
14.04.2026, 20:05
Күніне 100-ден астам адамды ит қабады
14.04.2026, 20:05
Былтыр Жетісу облысына 610 млрд теңге инвестиция тартылған
14.04.2026, 20:04