Щучинсктегі жарылысқа қатысты қылмыстық іс қозғалды

Ақмола облысының Щучинск қаласындағы дәмханадағы жарылыс  бойынша қылмыстық іс қозғалды. Арнайы штаб құрылды, оқиғаның мән жайы анықталып жатыр. Жарылыс кезінде 7 адам қаза тапты. Арасында 15 жасар жасөсіпірім бар. Ал зардап шеккендердің  ахуалы туралы  әріптесім Бибінұр Әмірханқызынан білейік. 

Қазір біз Щучинсктегі аудандық аурухананың жанында тұрмыз. Мұнда жарылыс кезінде зардап шеккен 7 адам жатыр. Тағы 8-і Көкшетаудағы облыстық көпбейінді ауруханаға жеткізілді. Менің жанымда облыстық Денсаулық сақтау басқармасының басшысы Нариман Ермекұлы тұр.

Нариман Ермек, облыстық Денсаулық сақтау басқармасының басшысы:

Ал қайтыс болған 7 адамның барлығы дәмхана қызметкерлері. Нақтыланған ақпарат: олардың ішінде кәмелет жасқа толмаған 15 жастағы қыз бала болған. Ол түнде Щучинсктегі жансақтау бөлімінде көз жұмды.  Қазір төтенше жағдай бойынша қылмыстық іс қозғалды, тергеу амалдары жүріп жатыр. Жалпы, өртке оранған жердің аумағы. Іштен өрт сөндірушілер 7 баллон алып шыққан. Әрқайсысы 50 литр болатын 5 газ және 2 оттегі баллоны шығарылды. Құтқарушылар бұл баллондарды шығарып үлгермегенде жарылыс бұдан қуатты болатын еді. Ақмола облыстық Төтенше жағдайлар департаментінің жанынан жедел желі ашылды. Біз алдағы хабарымызда тарқатып айтамыз.