Бразилиядағы көшкіннен 25 адам қаза тапты

Бразилияның оңтүстік-батысында төпелеп жауған жаңбырдан лай көшіп, 25 адам қаза тапты. Жоғалып кеткендер саны 43-ке жетіп отыр. Тағы 440  тұрғын қауіпсіз жерге көшірілген.

Қайғылы жағдай Минас-Жерайс штатында болды.

Жергілікті полицияның мәлімдеуінше, адамдар көшкіннен құлаған үйлердің астында қалып қойған. Қазір оқиға орнында құтқарушылар жұмыс істеп жатыр.

Апатқа байланысты Бразилияның федералдық үкіметі аймақта төтенше жағдай жариялады.