Шымкентте ₸2,7 миллиардқа салынған дамба бүлінді

Шымкентте 2,7 миллиард теңгеге салынған дамбаның бір бөлігі бүлінді. Бадам өзені бойындағы бетон бөгеттің шамамен 40 метрі қираған. Мамандардың мәліметінше, өзен арнасынан заңсыз тас қазу салдарынан гидротехникалық нысанға зақым келген. Қазір құқық қорғау органдары кінәлілерді анықтап жатыр. Көктемгі тасқын қаупін азайту үшін өзен бойындағы 5,3 шақырым жағалауды бекіту жұмыстары бірнеше ай бұрын ғана аяқталған. Бүлінген бөлік кепілдік мерзімі шеңберінде мердігер мекеме тарапынан қайта қалпына келтіріледі.

Әбілқайыр Оңғар, Шымкент қалалық жайлы ортаны дамыту басқармасының басшысы:

Бүліну себебі өзен арнасына белгісіз азаматтардың заңсыз кіріп тас алу себептерінен болып отыр. Қазіргі уақытта мердігер мекеме тарапынан бүлінген бетон қабатын қайта қалпына келтіру жұмыстары басталды.