Ақмола облысында полиция ауа райына байланысты 1500 көлікті қауіпсіз жерге дейін шығарып салды

Ақмола облысында патрульдік полиция қызметкерлері ауа райының қолайсыздығына байланысты 1500 ден астам көлікке жол бастап, қауіпсіз жерге дейін шығарып салды. Нәтижесінде бірде-бір жол-көлік оқиғасы тіркелмеді. Айта кетейік, өңірде жаяу бұрқасын мен көктайғақ салдарынан кеше түнде барлық бағыттағы жолдар жабық болды. Автожолдарды жабуға 144 полиция қызметкері, 80 патрульдік автокөлік тартылды. Қауіпсіздік үшін 74 жабу бекеті қойылды.