Алтынның бір унциясы $5600 жетті

Алтын мен күміс бағасы рекорд жаңартты. Алтынның бір унциясы 5600 долларға жуықтаған. Ал күміс 4 пайызға қымбаттап, 118 доллардан асты.  Бағаның шарықтауына АҚШ президенті Дональд Трамптың Иранға соққы беру туралы мәлімдемесі себеп болған. Нақтырақ айтқанда, Ақ үй басшысы Парсы шығанағына әскери кемелер жіберді деген ақпарат түрткі болса керек. Әдетте саяси және экономикалық шиеленістің өршуі алтынға сұраныстың артуына әсер етеді. Инвесторлар мұндай уақытта бағалы металдар сатып алу арқылы өз активтерін қорғауға тырысады.