Алтын бағасы алғаш рет 5300 доллардан асты

Бүгін алтын бағасы алғаш рет 5300 доллардан асты. Жыл басынан бері бағалы металл 20 пайызға қымбаттаған. Негізгі факторлар – доллар индексінің төмендеуі мен геосаяси ауытқулар. Америкалық валюта 4 жылдағы ең төменгі деңгейге дейін арзандады. Сонымен бірге алтын бағасының өсуіне АҚШ пен Иран арасындағы шиеленіс те ықпал етіп отыр. Инвесторлардың сұранысы долларға емес, алтын мен күміске артқан.