Интернет-алаяқтыққа байланысты Бас прокуратура үндеу жасады

Елімізде интернет-алаяқтарына алданғандар саны артып келеді. Осы орайда Бас прокуратура тұрғындарға маңызды мәлімдеме жасады. Қоңырау шалып, өздерін банк қызметкері, полиция, зейнетақы қоры немесе қауіпсіздік қызметінің өкілі деп таныстарғандарға сенбеу қажеттігін айтады. Өйткені, олар телефон арқылы СМС-кодтарды, құпиясөздер мен банк картасының деректерін ешқашан сұратпайды. Құзырлы орган өкілдері күдікті сілтемелерге кірмеуді, белгісіз қосымшаларды орнатпауды ескертеді. Хабарлама таныс адамнан келсе де, оның аккаунтын алаяқтар бұзып алған болуы мүмкін. Егер осындай күмәнді әрекетке тап болсаңыз, дереу банкке және құқық қорғау органдарына хабарлау маңызды,-децйді прокуратура өкілдері.