Медицина университетінің студенті ұшақта жолаушының өмірін сақтап қалды

Медицина университетінің студенті ұшақта жолаушының өмірін сақтап қалды. Астана – Шымкент бағытындағы рейсте жолаушының жағдайы нашарлап, есінен танып қалған. Бортта кәсіби дәрігерлер болмағандықтан,  Қарағанды медициналық университетінің 7-курс студенті Дінмұхаммед Шегебаев қол ұшын созған. Ол науқастың тынысы мен пульсін тексеріп, шұғыл медициналық көмек көрсетіп үлгерген. Соның арқасында жолаушы есін жиып, ұшақ қонғаннан кейін жедел жәрдем бригадасына тапсырылды.