Мұнай кен орындарындағы апатқа байланысты арнайы комиссия құрылды

«Теңіз» және «Королев» мұнай кен орындарындағы апатқа байланысты арнайы комиссия құрылды. Энергетика министрі Ерлан Ақкенженовтың тапсырмасымен Энергетика вице-министрі Қайырхан Тұтқышбаев Теңіз кен орнына барып, жағдайды бақылауда ұстау және оператормен өзара іс-қимылды үйлестіру жұмыстарын жүргізіп жатыр. Комиссия құрамына мемлекеттік энергетикалық қадағалау комитетінің аумақтық департаменті, Атырау облысы әкімдігінің энергетика басқармасы, «KEGOC» және «Теңізшевройл» өкілдері кірді.

Айта кетейік, елімізде «Теңіз» және «Королев» мұнай кен орындарында  мұнай өндіру уақытша тоқтатылған болатын. Бұған өндірістік нысандардағы электр энергиясын тарату жүйелерінде туындаған техникалық ақау себеп болған.