Әлеуметтік желіні балалардың пайдалануына шектеу қойылуы мүмкін

Қазақстанда балалардың әлеуметтік желіні пайдалануына шектеу қойылуы мүмкін. Ұлттық құрылтай отырысында Мәжіліс депутаты Сергей Пономарёв балалардың ойлау қабілеті нашарлап, аналитикалық дағдысы дамымай жатқанын алға тартып, онлайн платформаларды шектеу туралы ұсыныс айттты. Құрылтай мүшесі халықаралық тәжірибеге назар аударып, шетелде жасөспірімдердің 14 жасқа дейін, кейбір елдерде тіпті 16 жасқа дейін желіге тікелуге тыйым салынғанын айтты. Бұған қатысты ата-аналардың пікірі қандай?

Сауалнама:

- Дұрыс қой ол. Оны шектеу керек. Неше түрлі жаман сайттар бар. Сол сайттарға кіріп кетеді. Дұрыс ол депутаттарды қолдаймын

- Қауіптің бәрі сода ғой. Өзімізде бес бала бар. Бермеуге тырысамыз, сонда да бізден тығылып қашып, қарайды.

- Гуглдан реферат жинаймын деп қажет болмаса, тикток, инстаграм деген нәрселер біздің балаларды жақсы нәрсеге үйреткен емес.

- Дұрыс қой, енді қазір балалардың бәрі қатты көргіш болып кетті. Жақсы бір шешім болыпты ғой. Қолдаймын.

Бұған дейін елімізде 16 жасқа толмаған балаларға әлеуметтік желіні пайдалануға тыйым салатын заң жобасы дайындалған. Құжатты Мәдениет және ақпарат министрлігі әзірледі. Заң жобасы былтыр желтоқсанда қоғамдық талқылауға шығарылған еді.