Павлодар облысында өрт кезінде екі баласынан айырылған отбасына баспана берілді

Павлодар облысында, өрт кезінде екі баласынан айырылған отбасына баспана берілді. Сондай-ақ, жергілікті билік оларды жылы киім мен тұрмысқа қажетті жиһаз, төсек орынмен түгел қамтамасыз етті. Еске салсақ, өткен бейсенбі күні Павлодар облысының Ертіс ауданы орталығында үй өртеніп, 8 және 5 жастағы қос жеткіншек көз жұмған еді. Ал, құтқарылған екі баланың бірі ауруханада жатыр, жағдайы ауыр дейді дәрігерлер.