ШҚО-да жолда қалған жолаушылар мен балықшылар құтқарылды

Шығыстағы Шемонайха ауданында қатты боранға қарамастан жолға шығып, қар құрсауында қалған 16 адамды құтқарылды. Олар түн ортасында арнайы техникамен Шемонайха қаласындағы жылыту орталығына жеткізілді. Сондай-ақ Төтенше жағдай департаментінің құтқарушылары боранда адасып кеткен үш балықшыға да көмектесті. Балықшылар боранда жол талғамайтын көліктеріне сенген. Алайда түнде жолдағы бағыттан адасып, құтқарушылардан көмек сұрауға мәжбүр болады. Жедел-құтқару жасағының қызметкерлері арнайы техникамен жетіп, 3 ер адамды құтқарды.