«Ақтау теңіз порты» АЭА-да 15 жаңа инвестициялық жоба басталды

Маңғыстауда «Ақтау теңіз порты» арнайы экономикалық аймағында жаңадан 15 инвестициялық жобаның құрылысы басталды.
Олардың қатарында Каспий теңізінде ашық теңіз жағдайында балық өсіретін ферма, Ақтау контейнерлік хабы, «Саржа» астық терминалы, Жаңаөзен қаласында компрессорлық құбырлар өндіретін зауыт бар. Жобаларды жүзеге асыруға - 121 млрд-қа жуық қаражат жұмсалуда. Нәтижесінде 2 мыңға жуық жаңа жұмыс орнын ашу көзделіп отыр. Сонымен қатар, арнайы экономикалық аймақтың аумағы 3 есе кеңейтілген. Оның құрамына Ақтау халықаралық әужайы, Саржа логистикалық хабы, Кендірлі туристік аймағы енді.
Гүлмира Әбішева, «Ақтау теңіз порты» арнайы экономикалық аймағының атқарушы директоры:

Бұл қабылданған шаралар Каспий жағалауындағы теңіз инфрақұрылымын дамытуға сонымен қатар, порт операцияларының тиімділігін арттыруға және де логистиканы күшейтуге мүмкіндік береді. Бұл әрине өз кезегінде жаңа өндіріс орындарының ашылуына сонымен қатар, жаңа жұмыс орындарының көбеюіне мүмкіндік береді.