Ақтөбе облысында жолдар жабылды

Ақтөбе облысында жолда қалып қойған жүзге жуық адам пойызбен діттеген жеріне жеткізілді. Қолайсыз ауа райына байланысты Ақтөбе – Астрахан тасжолы уақытша жабылған. «Жолаушылар тасымалы» компаниясының мәліметінше, бүгін №691 «Атырау – Ақтөбе» пойызы жолда қалғандарды мінгізіп алды. Сағыз, Қарауылкелді және Қандыағаш станцияларынан жолаушылар Ақтөбе қаласына аман-есен жеткізілді. Мамандар сапарға шығар алдында ауа райы болжамын мұқият қадағалауға шақырады.