Қарулы қақтығыс тоқтар емес

Таиланд пен Камбоджа арасында қарулы қақтығыс тоқтар емес. Бірнеше сағат бұрын АҚШ президенті Дональд Трамп екі ел атысты тоқтатуға келісті деп мәлімдеген еді. Алайда Таиланд премьері Анутин Чарнивиракулдың айтуынша, Камбоджа өз күштерін толықтай әкеткенде ғана бітім орнамақ. Тараптар шекара бойында бомбалау мен артиллериядан оқ ату жалғасып жатқанын мәлімдеді. Қақтығыс басталғалы екі жақтан 21 адам қаза тауып, 700 мың тұрғын қауіпсіз жерге көшірілген. Тағы бір мәлімдемесінде, АҚШ президенті екі ел арасындағы атысты телефон шалу арқылы бірден тоқтата алатынын айтқан еді.