Президент Грузия Премьер-министрімен кездесті

Форум аясында Мемлекет басшысы Грузия Премьер-министрі Ираклий Кобахидземен кездесті. Президент қос халық арасындағы берік достыққа, тарихи тамырластыққа негізделген ұзақ жылғы ынтымақтастықты оң бағалайтынын атап өтті. Тараптар саяси диалог, экономикалық және гуманитарлық байланыстар дәйекті түрде дамып келе жатқанын растады. Әңгімелесу барысында екіжақты ынтымақтастықтың кең көлемді мәселелері қарастырылды. Қасым-Жомарт Тоқаев Грузиямен көлік-логистика, сауда-экономика салаларындағы қарым-қатынасты арттырудың әлеуеті зор екеніне тоқталды.